Bideo korporatiboak zure enpresaren irudirako funtsezko marketin-tresnetako bat dira.

Ikus-entzunezko formatu honen bidez, zure enpresaren abantaila eta indargune guztiak erakutsi ahal izango dituzu, baita zure markaren nortasuna eta balioak ere. Bideo korporatibo baten bidez, lan egiteko erabiltzen duzun teknologia edo tresnak erakuts ditzakezu, zure historia kontatzen duzun bitartean, zure taldea edo instalazioak aurkeztuz, zure helburuak eta etorkizuneko proiektuak azalduz eta zure bezero potentzialengana gehiago hurbilduz.

Zure bideoak ahalik eta zabalkunderik handiena izan dezan lagundu zaitzaket, sare sozialetan eta YouTube bezalako plataformetan marketin-planak eginez.

Publizitate bideoek zure audientziaren arreta bereganatzeko eta zure produktuak eta zerbitzuak modu dinamiko eta entretenigarrian erakusteko aukera emango dizute. Iragarki baten bidez, 30 segundoan, istorio hunkigarri bat konta dezakegu, emozioa asko transmititzen duena eta, azken batean, gure publikoarekin konektatzen duena. Ideiarik bai?

Mota guztietako ekitaldien kamera anitzeko grabazioa 4K bereizmenean.

Kontzertuak, ikuskizunak, hitzaldiak, kongresuak, azokak, inaugurazioak, ospakizunak, kirol-ekitaldiak edo behar duzuna. Zuk esan.

Sare sozialetan nabarmendu nahi duzu? Ikus-entzunezko eduki erakargarria sortzen lagundu zaitzaket.

Zure sare sozialetan kalitatezko edukia edukitzeak bezero berriak sor diezazkizuke eta zure salmentak handitu.

Ba al zenekien sare sozialek bideoa lehenesten dutela erabiltzaileen timelineko beste eduki batzuen gainetik? Gainera, zientifikoki egiaztatu da giza garunak informazio bisuala azkarrago jasotzen duela eta subkontzientean grabatzen duela.

Errazago gogoratzen den edukia denez, eraginkorragoa da marketin digitaleko estrategia on baterako. Jarriko gara martxan?

Nire lanarekin gozatu egiten dut eta hori bideo guztietan islatzen da. Gustatuko litzaidake zure ezkontza-bideoa egun handi horren oroitzapen zoragarria izatea, behin eta berriz ikusteko aukera emanez, denboran iraungo duten oroitzapenak sortuz.

Drone zerbitzua ere eskeintzen dut prezio berdinean, emaitza erakargarriagoak lortzeko, profesionalagoak eta ukitu zinematografiko horrekin.

Gure gizartean, argazkilari edo bideografoko profesional bat gure ezkontza egunean soilik kontratatzera mugatzen gara. Baina, familiko une berezi horiek betirako gordetzeak duen balioaz pentsatu duzu inoiz?

Haurdun zaudenean, lehen seme-alaba jaiotzean, gero eta nagusiagoak diren aitona-amonekin familia-une goxo hoiek, zure alabaren jaunartzea edo semeak urtebetetze borobila betetzen duen egun berezi hori, zure bikotekidearekin lehen urteurrena… aukerak amaiagabeak dira.

Batzuetan, benetan esanahia duen opari baten bila desesperatzen gara, gustatuko ote zaion ezin jakinik. Imajinatu zure izena edo esaldi berezia duen eta oroitzapenez beteta dagoen USB kaxa pertsonalizatu polit bat oparitzeko aukera izatea, bizitzako unerik onenak bertan gordetzeko. Inoiz ahaztu nahi ez genituzkeen une horiek.

Zergatik ez dugu ideia elkarrekin diseinatzen?

Aire Segurtasuneko Estatu Agentziak (AESA) baimendutako operadorea naiz. Gainera, erantzukizun zibileko aseguru aeronautiko bat daukat, indarrean dagoen araudiak eskatzen duen bezala. Aseguru hau nahitaezkoa da hegan egin eta drone profesionalekin aire-zerbitzuak eskaini ahal izateko.

Jendearengana iristeko, garrantzitsua da produktua besteen gainetik nabarmentzea,  horregatik, bideo bakoitza zure beharren arabera diseinatzen dut. Zure bideo korporatiborako, iragarkirako edo bideokliperako aireko irudiak eta bideoak sortzen laguntzen dizut, drone modernoenak erabiliz.

Nirekin hegan egin nahi?